Жер қойнауын пайдаланушылар қаражаты есебінен білім алуға шақырады

Жер қойнауын пайдаланушылардың қаражаты есебінен жоғары оқу орындарында оқу үшін 2022-2023 оқу жылына грант алуға конкурстық іріктеу өткізіледі. (тел.: 8 7172 794975, 8 708 2103242 www.kazenergy.com)

Конкурсқа қатысуға рұқсат беру үшін құжаттарды қабылдау және тіркеу ағымдағы жылдың 15 шілдесінен бастап жүзеге асырылады.Электрондық өтінімді grant.kazenergy.com сайтында жоғарыда көрсетілген мерзімде толтыру қажет. Кандидаттардың құжаттарын қарау құжаттарды қабылдау аяқталған күннен бастап 25 (жиырма бес) күнтізбелік күн ішінде жүзеге асырылады.

Конкурсқа қатысу шарттары:

1) Қазақстан Республикасының азаматтығы.

2) Оқу орнына шартсыз қабылдау немесе оқыту (білім алушыда қаржылық берешек болмаған кезде).

3) Үлгерімінің келесі көрсеткіштерге сәйкестігі:

– 80 балл және одан жоғары ҰБТ/КТ сертификаты;

–  диплом бойынша кандидаттың үлгерімінің орташа балы бакалавриаттың 1 (бірінші) курсына түскен адамдар үшін кемінде 4,0 (5,0-ден);

– бакалавриаттың І (бірінші) курсын аяқтаған үміткерлер үшін GPA кемінде 3,0 (В);

– бакалавриаттың ІІ, ІІІ (екінші, үшінші) курстарын аяқтаған кандидаттар үшін GPA кемінде 3,33 (В+);

– Жоғары оқу орнынан кейінгі білім берудің кез келген курсында оқитын кандидаттар үшін GPA 3,33 (В+) кем емес.

Қажетті құжаттар тізімі:

1) Жеке сәйкестендіру нөмірі (ЖСН) көрсетілген жеке куәліктің/туу туралы куәліктің/паспорттың көшірмесі.

2) Алдыңғы білім алғанын растайтын құжаттың және үлгерім балының (ҰБТ/КТ сертификатының не дипломның) көшірмесі – І (бірінші) курсқа түскендер үшін және білім алушылар үшін – алдыңғы оқу жылы үшін GРА көрсетілген транскрипт (білімді бағалаудың өзге жүйесі болған жағдайда, бакалавриаттың І (бірінші) курсын аяқтағандар үшін кемінде 3,0 (B) GРА-ға баламалы үлгерім туралы оқу бөлімі куәландырған анықтаманы ұсыну; бакалавриаттың ІІ, ІІІ (екінші, үшінші) курсын аяқтаған адамдар үшін кемінде 3,33 (В+), сондай-ақ жоғары оқу орнынан кейінгі білімнің барлық курстарында оқитын адамдар үшін GРА кемінде 3,33 (В+).

3) Отбасы құрамы туралы анықтама (тек көпбалалы отбасылар үшін).

4) Көрсетілген санаттардың біреуін (немесе бірнешеуін) құжаттық растау, олар болған жағдайда: аз қамтылған және (немесе) толық емес отбасы, жетім, мүгедек.

5) Қол қойылған (оқу орнының ресми бланкісінде немесе мөрімен расталған) оқуға қабылдау туралы/оқу туралы анықтама (Заңды тұлғалардың төлеуі үшін 1 (бір) оқу жылындағы оқу құны, оқу курсы мен нысаны, қаржылық берешегінің жоқтығы көрсетіледі).

6) Конкурстарға, олимпиадаларға және т. б. қатысу туралы куәландыратын құжаттардың көшірмелері (бар болса).

Жұмыс органы және (немесе) Комиссия қосымша құжаттарды сұратуға құқылы. 2022-2023 оқу жылында өтінімдер техникалық және кәсіптік, орта білімнен кейінгі білім берудің неғұрлым сұранысқа ие мамандықтары мен біліктіліктерінің, жоғары және жоғары оқу орнынан кейінгі білімі бар кадрларды даярлау бағыттарының тізіміне сәйкес қабылданады. 2021-2022 оқу жылында тізімге енбеген мамандықтар мен білім беру бағдарламалары бойынша қаржыландырылған студенттер конкурстың барлық критерийлеріне сәйкес келген жағдайда конкурстық іріктеуге қатысуға мүмкіндігі бар.

090009, Қазақстан Республикасы, Орал қаласы, Жәңгір хан көшесі, 51
  • 8 (7112) 50 13 74
  • 8 (7112) 52 21 00
  • zapkazatu@wkau.kz
Жаңалықтарға жазылу