ҚР Ғылым және жоғары білім министрінің м. а. 2023 жылғы 05 мамырдағы №199 «2023 жылға арналған шетелде академиялық ұтқырлық шеңберінде оқу үшін орын санын бекіту туралы» бұйрығына сәйкес «Жәңгір хан атындағы Батыс Қазақстан аграрлық-техникалық университеті» КеАҚ РЕСПУБЛИКАЛЫҚ БЮДЖЕТ ҚАРАЖАТЫ ЕСЕБІНЕН АКАДЕМИЯЛЫҚ ҰТҚЫРЛЫҚ БАҒДАРЛАМАСЫ БОЙЫНША БІР СЕМЕСТР ШЕТ ЕЛДЕ ОҚУ ҮШІН КОНКУРС ЖАРИЯЛАЙДЫ.
Біздің университет үшін орын саны – 5.
Үміткерлерге қойылатын талаптар:
- мемлекеттік білім беру тапсырысы (гранты) бойынша оқитын бакалавриат студенттері;
- шет тілін меңгеру деңгейі В2-ден төмен емес;
- GPA ағымдағы үлгерім транскриптінің орташа балы 3,00-ден төмен емес.
Академиялық ұтқырлық шеңберінде шетелде оқуға арналған конкурсқа қатысу үшін үміткер халықаралық ынтымақтастық бөліміне мынадай құжаттарды ұсынады:
- білім алушының өтініші;
- Қазақстан Республикасы азаматының паспортының көшірмесі;
- білімі туралы құжат: университеттің мөрімен расталған ағымдағы үлгерім туралы транскрипт;
- шет тілін білуді бағалаудың халықаралық жүйелері (IELTS, TOEFL) арқылы алынған сертификат;
- егер үміткерде шет тілін меңгеру деңгейі туралы бірде-бір сертификаты болмаса, студент Жәңгір хан атындағы БҚАТУ Тілдерді дамыту орталығынан (Бас ғимарат, 4 қабат, 409 кабинет) шет тілін меңгеру деңгейі туралы анықтама/сертификат алуы тиіс.
Академиялық ұтқырлық шеңберінде оқуға арналған конкурсқа қатысу үшін құжаттарды тапсыру мерзімі – 31.05.2023 дейін.
Барлық сұрақтар бойынша халықаралық ынтымақтастық бөліміне (Бас ғимарат, 2 қабат, 215 кабинет) хабарласуыңызды сұраймыз.
Сондай-ақ, сіз біздің WhatsApp-тағы ашық чатқа мына сілтеме арқылы қосыла аласыз: https://chat.whatsapp.com/Hj48pP8fmYt7UhLWu1M6Cx
