Автомобиль техникасын пайдалану және жөндеу

2 жыл

«Автомобиль техникасын пайдалану және жөндеу» мамандығы бойынша әскери даярлық курсынан өткен запастағы офицер бейбіт және соғыс уақытында бөлімдер мен бөлімшелерде, бастапқы офицерлік лауазымдарда қызмет өткеруге арналған.

Запастағы офицер:

• жоғары деңгейдегі тактикалық, тактикалық-арнайы, әскери-техникалық және жалпыәскери дайындыққа ие болуы;
• базалық және салалық пәндер бойынша жеткілікті білімге ие болуы, осы білімін практикалық жұмыстарда қолдана білу дағдысына ие болуы;
• бөлімшеде жоғары жауынгерлік және жұмылдырылған әзірлікті қолдауы, мықты әскери тәртіп пен жарғылық тәртіпті қолдауы, бағыныштыларды оқытуда және тәрбиелеуде әскери педагогика қолдануы тиіс.

Білуі керек

• бейбіт және соғыс уақытында әскери автомобиль техникасын пайдалануды ұйымдастыруды;
• ҚР ҚК қабылданған техникалық қызмет көрсету жүйесін, жылжымалы техникалық қызмет көрсету құралдарын;
• әскери автомобиль техникасын сақтауды ұйымдастыруды; әскери автомобиль техникасының жай-күйін тексеруді және бағалау тәртібін;
• парк қызметін ұйымдастыруды және әскери автомобиль техникасын пайдалану кезіндегі қауіпсіздік шараларын.

Істей алуы қажет:

• бөлімше машиналарының тұрақты жауынгерлік дайындығын қамтамасыз етуді және қолдауды;
• жылжымалы және стационарлық құралдарды пайдалана отырып, техникалық диагностикалауды және техникалық қызмет көрсетуді орындауды;
• әскери автомобиль техникасын есепке алу, есептен шығару және пайдалануды жоспарлау жөніндегі құжаттаманы жүргізуді;
• жол-көлік оқиғаларының алдын алу бойынша іс-шаралар жүргізуді.

Дағдыларды пысықтауы керек

• машиналарды ақаусыз күйде тұрақты ұстауда;
• машиналарды техникалық тұрғыдан дұрыс, тиімді және үнемді пайдалануда;
• машиналарға уақытында техникалық қызмет көрсетуде.

Запастағы лейтенант