Жәңгір хан атындағы БҚАТУ ғалымдары ғылыми экспедицияға жол тартты

  

 6 маусым күні Елбасының «Рухани жаңғыру» бағдарламасы аясында ресейлік әріптестермен бірге Жәңгір хан атындағы БҚАТУ ғалымдарымен ұйымдастырылған «Индер – Орал өңірінің келешек геопаркі» атты халықаралық ғылыми-танымдық экспедиция Орал қаласынан аттанды. Университеттің 55 жылдығына орайластырылған бұл экспедиция – ерекше.

Ғылыми сапардың мақсаттары мен міндеттері туралы өңірлік коммуникациялар қызметі алаңында өткен баспасөз мәслихатында экспедицияның маңызды қатысушылары: географ, Қазақстан ұлттық география қоғамының мүшесі, география ғылымдарының кандидаты, қауымдастырылған профессор, Жәңгір хан атындағы БҚАТУ-дың Биотехнология және табиғат пайдалану ғылыми-зерттеу институтының директоры Қажымұрат Ахмеденов пен палеонтолог, геология-минерология ғылымдарының кан­ди­­даты, РҒА жанындағы па­леон­то­логия қоғамы Ульяновск бөлім­шесінің төрағасы Владимир Ефимов журналистерге баяндады.  

51 53

 Спикерлердің айтуынша, 9 күн бойы ғалымдар Индер көлін, Индер таулары мен карст даласын, Аралсор көлін, Орда қарағай орманы мен Үлкен Ешкі тауларын және оның айналасындағы аймақты зерттейді.

 - Палеонтолог ретінде менің мақсатым аталмыш экспедиция кезінде Индерде қазба фаунасының бар екендігін анықтап, олардың құрамын қарап, пайда болу жағдайы мен қазба жұмыстарын жүргізіп, өңірлік музей үшін материал жинау болып табылады. Индер келешекте – Қазақстанның туристік схемасын түрлендіретін және республика аумағындағы туризм үшін негіз бола алатын геопаркке айналуы тиіс. Сондықтан барлық табылған заттар мен зерттеулер жинақталып, жүйеленіп, туристердің келуі үшін тиісті жерлерге қойылуы тиіс, - деді ресейлік ғалым В. Ефимов.

 Қ. Ахмеденов өз кезегінде Индер аумағына геопарк статусын беруге негіз үшін ғылыми базаны құруды – экспедицияның негізгі мақсаты ретінде белгіледі.

 – Индер көлі мен индер таулары Атырау мен Батыс Қазақстан облыстарының шекарасында орналасқан Қазақстанның бірегей жерлерінің бірі. Біздің ғалымдар 10 жыл бойы Индер аймағын зерттеумен айналысып келеді. Осы жылдар ішінде ресейлік ғалымдармен бірге аталмыш аймақта шөлейт аймақта бірегей болып саналатын 14 үңгірді тауып, оны ғылыми еңбектерге жазып үлгердік. Сондай-ақ рекреациялық құндылық саналатын күкіртсутек бұлақтар, индер таулары, ландшафтары мен минералдары зерттелді. Аталмыш экспедиция аясында аумақтың ландшафтық ерекшеліктерін, карст түрін, минералды су көздерін, бальнеологиялық ресурстарды (яғни минералды балшық), топырақ пен өзімдіктің әралуандылығын зерттеуге және өсімдіктер мен жануарлардың сирек түрлерін, жерглікті түрлерін анықтауға ерекше көңіл бөлініп отыр. Индер ландшафтарының рекреациялық ресурстарын адам ағзасына әсерін зерттеу, бальнеологиялық орталықты ұйымдастыру келешегін бағалау, ұлттық парктің тарихи-мәдени сегментін қалыптастыру және аудан мен жалпы мемлекет үшін ұлттық паркті дамытудың экономикалық тиімділігіне талдау жүргізу жоспарда бар. Осы және бұдан бұрын жүргізілген экспедициялардың нәтижелері бойынша Индердің сол жағалау базасында – Индер ұлттық паркін немесе геопаркін құру үшін ғылыми негіздеме дайндалатын болады. Ондай жерлердің сақталуы мен маңыздылығын растау ең бірінші оларды белгілі статуспен белгілеу қажет. Сондықтан бүгінгі таңда Елбасының табиғатты қорғау міндеттерін қойған «Рухани жаңғыру» бағдарламасы аясында осы нысанды сақтау мәселесі өте өзекті. Және Индер әлемдік табиғи және мәдени мұраның тізіміне кіру үшін және сол жерде геопарк құру үшін барлық негіздемелер бар, - деді географ. 

49 54

 Экспедиция басталуының  салтанатты шарасында облыс әкімінің орынбасары Ғабидолла Оспанқұлов осындай шаралар зерттеу барысында ғалымдар үшін ғана емес, бүкіл қазақстандықтар үшін маңызды екендігін атап өтті. Себебі экспедициялар еліміздің ерекше де әдемі және бай тарихы бар жерлерді білуге, олар туралы әлемге айтуға мүмкіндік береді. «Рухани жаңғыру» бағдарламасы өлкетануды толықтай зерттеу үшін үлкен түрткі береді және сол арқылы Қазақстанның географиясы мен тарихының жаңа фактілерін ашу үшін өте маңызды. Сонымен қоса Қазақстанның тарихи жерлері туризм үшін тартымды және әлемде танымал болу үшін брендті әлемге таныту қажет. 

52 50

БІЗДІҢ УНИВЕРСИТЕТіміздің СТУДЕНТТЕРІ Мұса Жалил атындағы ІІ республикалық әдеби байқаудың жеңімпаздары атанды

 

2018 жылдың 5 ақпанында Кеңес Одағының Батыры, татар ақыны Мұса Жалилдің жұмысына арналған екінші республикалық әдеби байқау ресми түрде басталды.

Байқаудың бастамашысы және ұйымдастырушысы Астана қаласының «Дуслик» Татар оқу-мәдени орталығы» қоғамдық бірлестігі болды. Байқау Қазақстан халқы Ассамблеясы мен татарлар мен башқұрттардың Қазақстандық конгресі аясында өтті.

Бұл әдеби байқаудың негізгі мақсаттары мен міндеттері: қоғамдағы ұлтаралық келісім мен қазақстандықтардың бірлігін нығайту, қазақстандық патриотизмді қалыптастыруға ықпал жасау, қазақстандық қоғамның іргелі құндылықтары бойынша қоғамдық келісімді дамыту; Ұлы Отан соғысының қаһармандарын еске алу және тарихи мұраны сақтау; Қазақстан Республикасында және әлемде бейбітшілік пен келісімнің сақталуына заманауи жастардың жалпы көзқарасын ұсыну; ұлы татар ақыны Мұса Жалилдің шығармашылығын насихаттау; көркем әдеби және поэтикалық мұраның дәстүрлерімен таныстыру арқылы жастардың рухани мәдениетін қалыптастыру; жаңа таланттарды ашу.

Байқауға Қазақстан Республикасының 8 жастан 29 жасқа дейінгі мектеп оқушылары, орта арнайы оқу орындары мен жоғары оқу орындарының білім алушылары қатысты. Байқауға ұсынылған жұмыстар өлең, очерк, эссе түрінде мемлекеттік, орыс немесе татар тілдерінде 2018 жылдың 15 ақпанынан 1 мамырына дейін қабылданған болатын. Бұл республикалық байқауға біздің оқу орнымыздың 17 студенті өздерінің шығармашылық жұмыстарын жолдап, бақтарын сынаған еді. Ағымдағы жылдың 19 мамырында байқау қорытындылары жарияланып, университетіміздің 4 студенті төмендегі арнайы аталымдар бойынша жеңімпаз атанды:

1.      Ихсангалиева Саида – БУА-11 тобының студенті «Нас тысячи, мы молодость страны » аталымы бойынша;

2.      Төлегенов Нұржалғас – ЗУ -11 тобының студенті «Звезда Джалиля» аталымы бойынша;

3.      Муханғалиев Алшынбек – МВСБ-12 тобының студенті «Звезда Джалиля» аталымы

4.      Ізмұратов Абзал – ЗУ-21 тобының студенті «Звезда Джалиля»

Әдеби байқау жеңімпаздары дипломдар және естелік сыйлықтармен марапатталды, ал ең үздік жұмыстар ұлттық БАҚ-да жарияланатын болады.

Республикалық байқау жеңімпаздарын жеңістерімен құттықтап, жаңа жетістіктер мен шығармашылық табыстар тілейміз!

45 46

47 48

Студенттік құрылыс жасағы өз маусымын бастады

 

 Жәңгір хан атындағы БҚАТУ-да студенттік құрылыс жасағының жаңа маусымының ашылу салтанаты өтті. Жиында сөз алған тәрбие және әлеуметтік жұмыстар жөніндегі проректор Ақылбек Сұлтанов студенттерді еңбекті сүйіп, адал еңбек етуге шақырып, жас ұрпақты еңбекқорлыққа тәрбиелеуде студенттік еңбек жасақтарының маңызы зор екендігін баса айтты. Жәңгір хан атындағы Батыс Қазақстан аграрлық-техникалық университетінің студенттік құрылыс жасағының да мақсаты – еңбекқор ұрпақ тәрбиелеу, сондай-ақ студент жастардың уақытын ұтымды пайдалауын қамтамасыз ету болып табылады.

 Бірнеше жыл бойы университет қаражат табу мүмкіндігімен жастарды еңбекке тарту бойынша жұмыстарды белсенді атқарып келеді. Жыл сайын студенттік құрылыс жасағында еңбек етуге ниетті жастардың саны артып келеді.

 Осы жылы студенттік құрылыс жасағында еңбек етуге университеттің 30 студенті ниет білдірген. Олар құрылыс жасағы, сантехниктер, электршілер, ветеринарлар мен университет аумағын көгалдандыру бойынша арнайы 5 топқа бөлінді.  

41 42

 Маусымның салтанатты ашылуынан кейін студенттер бірден жұмыс орындарына бағытталды. Студенттік еңбек жасағының жұмысы 4 маусым мен 31 шілде аралығын қамтиды. Жасақ мүшелері университеттің оқу ғимараты мен студенттер үйлерінде жөндеу жұмыстарын жүргізіп, абаттандыру, көгалдандыру жұмыстарымен айналысады.

 Маусым барысында студенттер университет тарапынан арнайы киім формасымен қамтамасыз етіліп, жатақханада тегін тұрады. Сонымен қатар, айлық жалақы төленеді.

Маусым соңында студенттер «Үздік командир» мен «Үздік бригада» аталымдары бойынша марапатталып, сыйақы мен естелік сыйлықтар табысталады

43 44

31 мамыр Саяси қуғын-сүргін құрбандарын еске алу күні

Жыл сайын 1997 жылдан бастап Қазақстанда 31 мамыр – Саяси қуғын-сүргін құрбандарын еске алу күні болып жарияланды және қазақ жұрты осы күнді ерекше құрметпен атап өтіп келеді. Бұл күні жыл сайын дәстүрлі түрде Орал қаласында оқ тиген тырнаның аспанға ұшып жатқан бейнесі бейнеленген ескерткіштің қасындағы қалалық зиратта еске алу акциясы өтеді. Еске алу акциясына Жәңгір хан атындағы БҚАТУ –дың профессор-оқытушылар құрамы мен қызметкерлері де қатысты.

38

ХХ ғасырда Қазақстан аумағында ГУЛАГ - АЛЖИР, Степлаг, Карлаг сияқты ірі еңбекпен түзеу лагерлері жұмыс істеп тұрды. Қуғын-сүргін жылдарында Қазақстан лагерлеріне 5 миллионнан астам адам жіберілді. Тарихшылардың мәліметі бойынша, 1937-38 жылдары советтік Қазақстанда 118 мың адам сотталған. Олардың 25 мыңына ату жазасы кесілген. Сотталғандар арасында совет саясатына қарсылық білдірген ұлт оппозициясының көшбасшылары да болды.

37 40

 1918 жылы мен 1943 жылдар аралығында БҚО-ға репрессияға ұшырағандардың ішінде басым көшілігі шаруалар болса, ал 30 пайызы – қызметкерлер мен зиялылар,25 пайызын жұмысшылар құрады. Қуғын-сүргінге ұшырағандардың ішінде 26-сы әйел адамдар. Облыс аумағында репрессияға ұшыраған 1330 адамның есімі кірген «Қасірет кітабы» шығарылды. Қазақстан халықтарының Ассамблеясы «Болашақ үшін естелік» жобасының аясында деректі фильм түсірді. 

 Респрессия құрбандары ішінде А. Байтұрсынов, А. Бөкейханов, М. Дулатов, М. Тынышпаев, М. Жұмабаев, С. Сейфуллин, И. Жансүгіров, Б. Майлин, С. Асфендияров және т.б. болды.

39 36

 

 

Вы здесь: Главная Магистрантам
Вы здесь: Главная Магистрантам